طلاب جامعة سوهاج يستغيثون وأولياء أمورهم يصرخون بسبب معتاتهم في المواصلات
كتب / عبدالرحمن الجن
طلاب جامعة سوهاج يستغيثون
أرسل لنا عدد كبير من طلاب جامعة سوهاج برسائل يشكون فيها من عدم وجود سيارات في موقف الجامعة ووقوفهم بالساعات في الموقف لانتظار سيارات السرفيس بعد أداء الامتحانات لعودتهم لمنازلهم خاصة في الفترة المسائية، وهذا مضمون بعض رسائلهم لعلها تجد صدى لدى المسئولين:
” ده منظرنا كل يوم واحنا مروحين من الكوامل نخلص امتحانات بدري ونطلع نستني عربيات بالساعات وأول ما عربية تيجي كله يجري عليها وطبعا أسعار العربيات الخاصه بقيت مهولة علشان هنروح الكوامل، وكمان احنا امتحانا يعتبر بعد الضهر وكله بيخلص علي الساعه ٤ النهارده في طلبة فضلت لحد الساعة 6 ونص مش علشان مش عارفه تركب لأ علشان مفيش عربيات أصلا !!.
والطلاب بتجري علي أي عربية توصل الموقف، والشباب وسط البنات وكله فوق بعضه علشان بس يلحق مكان ويروح بيتهم نتمني حد مسؤول يحل المشكلة لأن المشكلة من أول السنة موجودة وفي ناس هتقول فين باصات الجامعة ؟ وأمان جروب ؟
تقريبا هنقول أن مفيش حاجه منهم بتكون موجودة وبنضطر نستني الميكروباصات ده غير المعاملة السيئة من السواقين علشان مش راضين نركب 10 طلاب فوق بعض علي الكرسي .. نتمنى بجد يكون في حل والمواصلات تكون متاحة لأن الي بيحصل فينا ده حرام .
طلاب جامعة سوهاج يستغيثون
